ന്യൂഡല്ഹി: ജമ്മു കശ്മീരിലെ പുല്വാമയില് നടന്ന തീവ്രവാദി ചാവേര് ആക്രമണത്തില് 44 ജവാന്മാരാണ് വീരമൃത്യു വരിച്ചത്. ഈ വാര്ത്ത ഏറെ ഞെട്ടലോടെയാണ് കേട്ടതെന്നും വീരമൃത്യു വരിച്ച ജവാന്മാര്ക്ക് ആദരാഞ്ജലി അര്പ്പിക്കുന്നുവെന്നും ഇന്ത്യന് ക്രിക്കറ്റ് ടീം ക്യാപ്റ്റന് വിരാട് കോലി ട്വീറ്റ് ചെയ്തു.
ഈ വേദന വിവരിക്കാന് വാക്കുകളില്ലെന്നും പരിക്കേറ്റ ജവാന്മാര് എത്രയും പെട്ടെന്ന് സുഖം പ്രാപിക്കട്ടെയെന്നും വീരേന്ദര് സെവാഗ് ട്വീറ്റ് ചെയ്തു. ‘സ്നേഹം ആഘോഷിക്കുന്ന ദിനത്തില് തന്നെ ചില ഭീരുക്കള് വെറുപ്പിന്റെ വിത്തുകള് വിതച്ചിരിക്കുന്നു. സൈനികരേയും അവരുടെ കുടുംബത്തേയും എപ്പോഴും പ്രാര്ത്ഥനകളില് ഓര്ക്കും.’ ഇതായിരുന്നു രോഹിത് ശര്മ്മയുടെ ട്വീറ്റ്.
‘നമുക്ക് വിഘടനവാദികളുമായി സംസാരിക്കാം, നമുക്ക് പാകിസ്താനുമായി ചര്ച്ച നടത്താം. പക്ഷേ ഇത്തവണ ചര്ച്ച ഒരു മേശക്കിരുവശവും ഇരുന്നല്ല, അത് യുദ്ധക്കളത്തിലാണ്. ഇത്രത്തോളം സഹിച്ചത് മതി.’ ഗംഭീര് ട്വീറ്റ് ചെയ്തു.
സച്ചിൻ ടെണ്ടുൽക്കർ, വി.വി.എസ് ലക്ഷ്മണ്, ശിഖര് ധവാന്, മുഹമ്മദ് കൈഫ്, സുരേഷ് റെയ്ന എന്നിവരും വീരമൃത്യു വരിച്ച ജവാന്മാര്ക്ക് ആദരാഞ്ജലി അര്പ്പിച്ചിട്ടുണ്ട്.
പുല്വാമയില് ജവാന്മാരുമായിപ്പോയ വാഹന വ്യൂഹത്തിന് നേരെ വ്യാഴാഴ്ച്ച വൈകുന്നേരം മൂന്നേകാലോടെ ഭീകരര് ചാവേറാക്രമണം നടത്തുകയായിരുന്നു. തൊട്ടുപിന്നാലെ പാകിസ്താന് ആസ്ഥാനമായുള്ള ഭീകരസംഘടനയായ ജെയ്ഷെ മുഹമ്മദ് ആക്രമണത്തിന്റെ ഉത്തരവാദിത്തമേറ്റെടുത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
